В этом году будем готовить Райду!
Наша конкурсантка – Галина Ануфриева, представляющая Эжвинский район Сыктывкара. Вот, что она пишет о себе:
«Мен кажитчö, мый ас йывсьыд гижны сочинение – зэв бур позянлун выльысь тöд вылö уськöдны асьыд олöмтö. Нöшта и позяс петкöдлыны, мый тэ ас морт.
Вошъя ассьым рассказöс тадзи. Менö шуöны Галинаöн, мен 22 ар. Чужи да быдми Коми Республикаын, Изьва районса Кипиево сиктын.
Садик бöрын пыри Сöветскöй Союзса Герой А.Е. Чупров нима Кипиевса шöр школаö. Велöдчи бура, нокси севернöй многоборьеöн, сулалi волонтёрскöй отрядын да участвуйтi разнöй конкуръясын.
Дзолясянь ме ветлi ас сиктса дом культурыö. Любитi зэв ёна сьывны да йöктыны. Мен кажитчис, мый сыа менам призвание. Коркö весиг мамö висьталiс мен: «Кынöмам на вöлiн, телевизорас только на кутшöмкö песня включитчас, всё, Галя бара нин йöктö». Вспоминайта мамлысь кывъяссö, да серам петö. Сы вöсна ме нин тöдi – кута культуралы служитны. 11 – öд класс помалöм бöрын мунi поступайтны Сыктывкарö, Республикаса культура колледжö.
Ниöтпыр иг жалейтлы ас выборсьым. Сэнi тöдмаси бур ёртъяскöд да педагогъяскöд. Выльысь топ овны кутi. Разнöй показъяс пукталiм, выступайтiм. Петкöдчим иг куш колледжын, но и ветлiм матысса сиктъясö. Сэн ме ачымöс восьтi мöд боксянь. Унджыксö вöлi ведущöйöн творческöй концертъяс вылын.
Колледж помалöм бöрын ме весиг иг успеит корсьны уджсö ас профессия кузя: ачыс менö быттьö аддзис. Уналаö корисны рöбитны, но ме пыри Эжваса челядьлöн творчество шöринö. Сэнi ме уджала 7 тöлысь нин педагог – организаторöн да педагогöн театральнöй творчество кузя. Зэв радейта челядьсö. Накöд быттьö ачыд кага.
Водзö вылö тöда, мый кута сöвмыны да быдмыны культураын. Кыдзи висьталöны: «Водзö – унджык!». Уна на эськö висьталi тiян, да пола мый оз тöр татчö.
А тэныд, дона лыддьысьысь, ме сиа бур шуд да кузь нэм!»
